3 daga helgi - gleði!

Þetta líf er búið að vera svo rosalega rólegt og normal að það er e.t.v. ekki margt til að setja hér inn. Átti reyndar svakalega góða helgi, mikið rosalega sem ég þarfnaðist að fá 3-daga frí. 

Á föstudag fórum við systkinin í Flókalund að borða og í sund í Reykjarfirði. Laugardagurinn fór í girðingavinnu og smá "mömmstund" með elsku mömmu minni. Sunnudagurinn fór í að setja niður kartöflur og bátsferð undir Látrabjarg, sem var frábær upplifun. Nóttin eftir var hinsvegar ekki jafngóð upplifun þar sem ég gat lítið sofið vegna þess að bakið á mér var svo bólgið eftir bátsferðina. Er því búin að eyða svolitlum tíma í Pollinum að reyna að laga þetta bak mitt! Mánudagurinn var mikill letidagur, tiltekt, bauð fjölskyldunni í 17. júní kaffi, grill og kósí!

1. Þoka í Arnarfirði, 2. Systkini + Tara, 3. töffarar!, 4. Trostandsfjörður

1. Fegurð og fegurð, 2. Ingólfur að njóta sín, 3. skvísur, 4. jarðaberjamojito með jarðarberjum og myntu frá Eysteinseyri.

1. Hvað þarf marga Tálknfirðinga til að setja niður hornstaur?, 2. setja niður kartöflur. 3. töffarar í smá pásu, 4. maður getur ekki alltaf verið töff, haha.

Undir bjarginu, ótrúlegt..

1. inní helli í Látrabjargi, 2. kallinn að hringja heim og monta sig, 3. fengum að hoppa aðeins í land og kíktum á eitt hreiður, 4. Ingólfur að draga bátinn í land.

Vona að ykkar langa helgi hafi verið ljúf og góð:)

Lífið er lag..

Búnir að vera mjög rólegir en ljúfir dagar. Er svo mikið að elska Tálknafjörð, frí frá lærdómi og rólegheitin.

Er reyndar búin að vera með einhverja skítapest og því mikið búin að vera heima að lesa og drekka rótsterkt engiferte. En maður má ekki láta smá pest stoppa sig í að gera eitthvað skemmtilegt;)

1. Reddí á Svörtum fötum ball, woopwoop. 2. Amma og afi, þau krúttlegustu, á nýja kaffihúsinu á Tálknafirði. 3. Ingólfur og Jón Júlí. 3. Smá rólófjör

1. Tálknafjörður frá varnargarðinum. 2. Ingó og Rómeó.. (2x rómeo!) 3. Rólófjör. 4. Heimilið í sumar

1. Göngutúr í skógræktinni. 2. Sumardagur í vinnunni. 3. Minn besti að fá sér snarl eftir ball. 4. Te og bókalestur - lífið er ljúft!

..vonandi

Síðustu vikur hafa verið frekar erfiðar en núna eru vonandi aðeins bjartari tímar framundan. Loksins-loksins fer maður að komast í hina daglegu rútínu - ó hve mikið sem ég hef þráð hana. Núna er maður alveg fluttur á Tálknafjörð og ég er sko meira en tilbúin í ljúft sumar!

Þegar maður hefur fengið inn allar einkunnir þá finnst manni sumarið loksins komið. 35 gómsætar háskólaeinkunnir voru að koma inn hjá mér og er ég nokkuð sátt með þær þar sem áramótaheitið mitt var að slaka aðeins á í lærdóm. Það stoppaði mig greinilega ekki og náði ég þrátt fyrir það yfir 9 í meðaleinkunn, er mjög glöð með það!

Góð helgi var að klárast þar sem Ingólfur útskrifaðist með glæsibrag frá Vélskólanum sem stúdent og vélfræðingur. Var að rifna úr stolti yfir kallinum sem fékk verðlaun fyrir góðan árangur í rafmagnsfræðigreinum.

Vona að ég fái bráðlega einhvern innblástur til að skella einhverju skemmtilegu hér inná síðuna, á meðan set ég bara myndir;)

dingdingdong

Ótrúlega lítið að gerast hér því það er svo margt að gerast hérna hinumegin!

Lífið er búið að vera ótrúlega lítið normal eitthvað undanfarið, allt í gangi, endalaust ys og þys - finnst pínu eins og ég hafi eiginlega bara búið í bíl síðustu daga.


Ég er þó komin heim á Tálknafjörð núna, heim til mömmu og pabba. Ég ákvað að gista hjá þeim fyrst að Ingólfur er út á sjó. Lífið hjá mömmu og pabba á Eysteinseyri er heldur betur fjörugt núna. Dúdda systir er í heimsókn með litlu blómin sín 3 og svo er sauðburður í fullum gangi.

Ég er byrjuð að vinna hjá Landsbankanum, 4. sumarið mitt í bankanum á Tálknafirði! Finnst gott að vera byrjuð að vinna aftur en mjög sérstakt að hafa klárað vinnuna í félagsmiðstöðinni minni og að ég fari ekki þangað í 3 mánuði. Finnst ég vera endalaust heppin að vera í vinnu sem ég hlakka alltaf til að fara í og leiðinlegt að fara úr, heldur betur gott að maður sé að mennta sig í því sem maður elskar:)

Ég vona að þið eigið ljúfa daga núna, enda sumarið á næsta leiti og Euro-vika - við erum ekki að hata það!

Laugardalurinn

Undanfarna daga hef ég ekki geta hugsað mér að fara inn í Laugar. Eins mikið og mér finnst sú rækt góð að þá er ég samt eitthvað svo meðvituð um sjálfa mig þar, eða þið vitið!

Held að þetta yndislega veður sé búið að bjarga geðheilsu minni síðustu daga. Fæ þvílíka útrás að fara að skokka í Laugardalnum og hlusta á kósí tónlist.

Tók smá detour í dag og slappaði af í fuglasöngnum í Grasagarðinum - b-e-a-utiful! Er svo hrifin af honum..:)

Annars er ég á fullu í að pakka niður eitt stykki íbúð og er orðin mjög spennt fyrir sumrinu sem er alveg að koma!

Vona að þið hafið það gott:)

Ease your mind little girl

Ekki eru allir dagar eins og því miður geta þeir ekki allir verið góðir.

Er búin að eiga svolítið mikið af skrítnum dögum undanfarið og þá er maður einhvernveginn í miklu minni blogggír.

Það hafa verið miklar tilfinningasveiflur í þessum litla kropp mínum undanfarið, margar breytingar framundan og svo hafa veikindi í fjölskyldunni sett sinn svip á þessa daga.

Maímánuður hefur í þónokkur ár verið mánuður mikilla breytinga, og í ár er svo sannarlega engin undantekning. Ég hef alltaf átt erfitt með breytingar, enda mikil rútínukona. En mikið rosalega sem það verður gott þegar maður er búin að koma dótinu sínu í geymslu, komin í aðra íbúð fyrir vestan og allt komið upp úr töskum og kössum:)

Skemmtilegt finnst mér þó að rétt í þessu var ég að klára að skila síðasta verkefninu mínu þetta misserið og því komin í sumarfrí - og það er sko aldrei leiðinlegt!

Ekkert sérstaklega upplífgandi blogg, en læt nokkrar myndir fylgja með frá síðustu vikunni sem var að líða. Flestar af mér og mínum heittelskaða, enda stórskemmtilegt myndefni;)

Annars ætla ég að henda mér í sturtu, náttföt og horfa á friends.. jafnvel fá mér ís ef ég leyfi mér að vera kolkreisí á þessu fimmtudagskveldi.

Wildcat Sigríður Etna

The greatest love of all

Ég virðist ekki ætla að skrifa um neitt annað hérna en vettvangsnámið mitt, enda á það nánast hug minn allan þessa dagana. 

Núna er ég að vinna í Kvennaathvarfinu. Það er athvarf sem ég hef aldrei velt neitt sérstaklega fyrir mér. Kannski frekar vandræðalegt að viðurkenna það en ég vissi varla að tilveru þess fyrr en ég byrjaði að vinna þar. - Veit ekki hvort ég á að líta á það sem kost eða galla?

Mikið rosalega sem mér finnst ég hafa lært billjón hluti á að hitta svona margt og ólíkt fólk.

Undanfarið hef ég fundið fyrir svo ótrúlega mörgum tilfinningum og þá helst bilaðslegu þakklæti að mér finnst stundum eins og hjartað mitt muni springa (for reals!) 

Það sem ég lærði í dag er hvað við erum öll falleg, hvert á okkar hátt. Við eigum öll skilið að láta koma vel fram við okkur, ekki bara af öðrum heldur verðum við að læra að koma vel fram við okkur sjálf:)