Gamli bærinn - lífið er lotterí

Ein önnur verslunarmannahelgin mætt á svæðið og mikið sem það gleður mig. 

Ég er reyndar alveg róleg þegar kemur að því að gera eitthvað þessa helgi, en alltaf er hún jafn frábær. Hef  farið á 7 unglingalandsmót þegar ég var yngri, einu sinni á eina með öllu á Akureyri, kíkt á Neistaflug, farið einu sinni á Þjóðhátíð, 2x í Húsafell, kíkt á Mýrarbolta og ábyggilega e-ð fleira. 

Í ár langar mig að taka því rólega og ætlum við Ingólfur að vera í "sumarbústað", reyndar í Tálknafirði, nánar tiltekið í Gamla bænum á Eysteinseyri hjá mömmu og pabba. Fjölskyldan tók höndum saman í sumar og fékk sá gamli góða "makeover" og er hann allt annar.

Það er semsagt lítið búið að plana helgina, nema að gista í Gamla bænum og fara svo í dagsferð á Ísafjörð, kíkja á Mýrarboltann, fara út að borða og hafa það gott. Hitt verður bara að koma í ljós:)

Vona að þið eigið ánægjulega helgi<3

Sumarmyndir

Alltof langt síðan ég setti einhverjar myndir hér inn, ætla að leyfa nokkrum að fljúga hingað.

Sumarið flýgur áfram á milljón og níu en samt er allt svo rólegt hjá manni, skrýtið. 

1. Ingólfur og Yrsa, nýja kisan á Eysteinseyri, 2. Thaifoodmatargerð með mömmu, 3. Þórutertan/kvöldkaffi, 4. Með nýja dótabarnavagninn minn, elska hann:)

Ljúfur dagur í Pollinum

1. Skuggapar í Laugardal, 2. Þessi bauð mér í óvissuferð á Tapasbarnum, 3. gullfallegt brúðkaup, 4. minn uppáhalds í kvöldgöngu

1. litlu ljúfu stúlkurnar, 2. fleiri ljúflingar, 3. Mín elskulega systir sem lætur líta út fyrir það að eiga 3 börn virðist vera piece of cake - hetjan mín, 4. Fyrirsætan Erla Maren.

1. fyrsta skiptið upp í Álftadal, 2. Elmar Ottó krútt, 3. one big happy family hehe;) 4. Sveitta-tabatagellan!

1. Kristján og Símon að gera grasið fallegt fyrir Tálknafjör, 2. VitiligoSigríður, 3. Tilraunaseníinn Ingólfur í Avocadotrésgerð, 4. Tveir sætir, Freymar og Sámur<3

Barbie-girl

Um daginn var litla frænka mín að leika sér í Barbie. Hún gerir það nú ekki oft, enda er hún klárlega meira Playmo-barn. Mín átti svolítið erfitt með að hemja sig í sófanum, horfandi á hana leika sér. Var ekki lengi að skella mér á gólfið og byrja að klæða dúkkurnar í. Þá sagði sú stutta við mig að henni langaði að eiga meira Barbie. Það gladdi mitt hjarta og ég sagðist geta gefið henni Barbie næst í afmælisgjöf.

Mér finnst rosalega fáar stelpur leika sér með Barbie í dag og maður heyrir stundum af því hve slæm 'fyrirmynd' hún sé fyrir litlar stelpur. Þegar ég var barn (og okay unglingur, there I said it!) þá lék ég mér væga sagt mjög mikið með Barbie. Ég átti alveg óhemju mikið af barbiedóti og mér þótti rosalega vænt um það. Við vinkonurnar gátum leikið okkur heilu dagana í hinum ýmsum leikjum. Ég man eftir því að þegar það var kolvitlaust veður og bærinn næstum ófær þá skutluðu foreldrar þeirra þeim heim til mín, svo við gætum leikið okkur saman í Barbie. 

Leikirnir okkar voru misgáfulegir og oft á tíðum mjög dramatískir. Þeir innihéldu oft miklar systraerjur, en þær systur áttu stundum ættleidd börn sem fundust á götunni, á meðan sumar gátu ekki eignast börn. Eiginmenn dúkkanna hjálpuðu okkur að "ala upp" allan barnaskarann, en mennirnir voru þó miserfiðir. Lífið var ekki alltaf auðvelt hjá dúkkunum okkar og inná milli þess sem þær giftu sig (sem var oft!) þá voru stundum jarðarfarir og jú oft héldum við líka rokktónleika. Stundum klæddum við dúkkurnar okkar í sundboli og fórum með þær í bað eða klæddum þær í þykk og góð útiföt, þá aðallega lopapeysur sem Særún frænka mín prjónaði á þær, skelltum á þær skíði og fórum út í snjóinn og bjuggum til "barbiesnjóhús".

Mér fannst Barbiedúkkurnar mínar fallegar, en þó misfallegar. Ég átti uppáhalds dúkku og já, hún var mjó, með stór brjóst, slétt andlit, glansandi hár og fallega máluð. En aldreialdreialdrei man ég eftir því að hafa hugsað að ég vildi vera eins og hún. Kannski af því að Barbie var fullorðin, og ég bara barn. Ég bar hana heldur aldrei saman við mömmu mína eða aðrar fullorðnar konur, því mamma mín var alvöru og Barbie var það ekki. En ég pældi mikið í einu, það var að barbiebörnin gátu aldrei leitt foreldra sína, því ef maður teygði hendina á börnunum upp og lét hendina á fullorðnabarbie alveg niður þá var ekki neinn möguleiki á að hendurnar gætu mætt hvor annarri. Mér fannst ekki eðlilegt að þeir 'fullorðnu' þyrftu alltaf að halda á börnunum sínum og ég man eftir að hafa hugsað að þetta væri eitthvað skrítið, dúkkurnar væru ekki rétt hannaðar, að þær væru ekki fullkomnar.

En að mínu mati þá er Barbie ekki fyrirmynd, þegar maður er barn þá eru foreldrar manns fyrirmyndir. Barbie er plast, leikfang, og eftir margarmargarmargar klukkustundir í Barbie þá held ég að ég hafi ekki hlotið neinn "skaða", heldur akkúrat öfugt. Við vinkonurnar komum dúkkunum okkar í gegnum ansi margar erfiðar stundir saman í leikjunum og mikið drama. Mér finnst Barbiedúkkur vera eins og flest önnur leikföng, þær eru leikföng fyrir ímyndunarafl og eru ekki raunverulegar. Ég held að þetta 'Barbie-er-ekki-fyrirmynd'-vandarmál sé ekki hjá dúkkunni sjálfri heldur hjá þeim sem reyna að gera leikfangið að meira en leikfangi.

Hið góða sumar

Þó lífið sé frekar ljúft þetta sumar þá er ég eins og flestallir Íslendingar, orðin frekar þreytt á þessu veðri. Það er samt frekar asnalegt að ætla að búa á þessu litla skeri og láta hluti eins og veðrið stjórna skapinu sínu, enda veðrið hér oft ekki upp á marga fiska.

Það er jú búinn að vera svolítill skortur á þessari gulu, Sunnu frænku, en ég er alveg sátt við það. Hinsvegar langar mig í hita. Ég þrái meiri hita!

Þetta sumar er svo frábrugðið öðrum því vanalega fór maður út í hádeginu, sat í sólinni og borðaði hádegismat, grillaði, var léttklæddur og allt sumarlegt. Maður er einhvernveginn ekki í þessum sumarhlutum núna, spes.

Ákvað að láta kuldan ekki stoppa mig um daginn og fór í hádeginu út að lesa. Ég var reyndar vel klædd og með teppi, en það var samt rosalega kósí að finna sólina skína smá á sig.

Eftir þetta sumar er allavega eitt víst og það er að við Ingólfur ætlum til sólarlanda innan næstu 7 mánaða. Ef ekki um áramótin þá ætlum við að fara annaðhvort fyrr, þ.e. í október eða í byrjun janúar. Það er gulrótin mín í augnablikinu, held að það verði að duga í bili;)

DIY - ræktarbolir

Þegar Ingólfur kom heim úr vinnunni í gær þá fékk ég hann til að taka mynd af sveittu kærustu sinni. Ekki það að mér finnist gaman að láta taka myndir af mér sveittri eftir góða æfingu heldur til að geta sýnt ykkur smá DIY .. en ég geri mjög lítið af því.

Eitt kvöld í vetur þegar ég var ein heima þá sótti ég 3 boli ofan í skúffu, boli sem ég nota aldrei því a.) mér fannst þeir ekki flottir eða b.) var ekki að fýla þá. Fyrsti bolurinn eyðilagðist, já, fyrsta tilraun heppnaðist semsagt mjög illa þar sem ég klippti hann á endanum í einhverjar ræmur, jæja áfram  hélt ég - óð með skærin.

Næsti bolur sem fékk að finna fyrir því var þessi hér. Ég ákvað að hafa framhliðiná á "nýja" bolnum hvíta og nota bláa munstrið í bakhliðina.

Þegar bolurinn var klipptur og bundin saman í endann þá datt mér í hug að prufa að stennsla á hann í vinnunni minni. Ég hafði aldrei stennslað áður og því var myndin of neðarlega, hefði vilja hafa hana örlítið ofar. En eins og mamma mín segir alltaf ,,þá er það bara betra"!

Næst var það DEAD-bolur, en mér fannst sniðið á honum vera óþægilegt. Finnst persónulega langþægilegast að vera í hlýrabolum, loveitloveit.

Útkoman:

Ég náði ekki að taka mynd af bakinu á þessum bol, en ég klippti það eiginlega í sundur þannig það er allt í svona opnum röndum á bakinu. Er bara nokkuð sátt með útkomuna! Það kom mér skemmtilega á óvart hvað þetta væri ekkert mál (fyrir utan fyrsta bolinn;) !)

Gott að eiga þessa þegar maður gerir æfingar í stofunni, en það er jú ein uppáhalds ræktarstöðin mín:)

3 daga helgi - gleði!

Þetta líf er búið að vera svo rosalega rólegt og normal að það er e.t.v. ekki margt til að setja hér inn. Átti reyndar svakalega góða helgi, mikið rosalega sem ég þarfnaðist að fá 3-daga frí. 

Á föstudag fórum við systkinin í Flókalund að borða og í sund í Reykjarfirði. Laugardagurinn fór í girðingavinnu og smá "mömmstund" með elsku mömmu minni. Sunnudagurinn fór í að setja niður kartöflur og bátsferð undir Látrabjarg, sem var frábær upplifun. Nóttin eftir var hinsvegar ekki jafngóð upplifun þar sem ég gat lítið sofið vegna þess að bakið á mér var svo bólgið eftir bátsferðina. Er því búin að eyða svolitlum tíma í Pollinum að reyna að laga þetta bak mitt! Mánudagurinn var mikill letidagur, tiltekt, bauð fjölskyldunni í 17. júní kaffi, grill og kósí!

1. Þoka í Arnarfirði, 2. Systkini + Tara, 3. töffarar!, 4. Trostandsfjörður

1. Fegurð og fegurð, 2. Ingólfur að njóta sín, 3. skvísur, 4. jarðaberjamojito með jarðarberjum og myntu frá Eysteinseyri.

1. Hvað þarf marga Tálknfirðinga til að setja niður hornstaur?, 2. setja niður kartöflur. 3. töffarar í smá pásu, 4. maður getur ekki alltaf verið töff, haha.

Undir bjarginu, ótrúlegt..

1. inní helli í Látrabjargi, 2. kallinn að hringja heim og monta sig, 3. fengum að hoppa aðeins í land og kíktum á eitt hreiður, 4. Ingólfur að draga bátinn í land.

Vona að ykkar langa helgi hafi verið ljúf og góð:)

Lífið er lag..

Búnir að vera mjög rólegir en ljúfir dagar. Er svo mikið að elska Tálknafjörð, frí frá lærdómi og rólegheitin.

Er reyndar búin að vera með einhverja skítapest og því mikið búin að vera heima að lesa og drekka rótsterkt engiferte. En maður má ekki láta smá pest stoppa sig í að gera eitthvað skemmtilegt;)

1. Reddí á Svörtum fötum ball, woopwoop. 2. Amma og afi, þau krúttlegustu, á nýja kaffihúsinu á Tálknafirði. 3. Ingólfur og Jón Júlí. 3. Smá rólófjör

1. Tálknafjörður frá varnargarðinum. 2. Ingó og Rómeó.. (2x rómeo!) 3. Rólófjör. 4. Heimilið í sumar

1. Göngutúr í skógræktinni. 2. Sumardagur í vinnunni. 3. Minn besti að fá sér snarl eftir ball. 4. Te og bókalestur - lífið er ljúft!