Bridezilla?

Eftir akkúrat mánuð verð ég orðin frú .. já!

Það sem ég get ekki beðið eftir að fá að giftast þessum

Hefði ég ein fengið að ráða (og átt sand af seðlum þegar ég var í skóla) þá væri ég sko löngubúin að giftast honum.

Síðasta sumar eyddi ég endalausum tíma inn á pinterest og safnaði hugmyndum fyrir brúðkaupið. Við Ingólfur höfum verið alveg þokkalega sammála um allt sem við viljum og var ég einhvernveginn viss um að ég yrði superuper skipulagða soon to be bride. En, allt kom fyrir ekki og var ég voða lítið að kippa mér upp við undirbúning í vetur. Gerði eitthvað örlítið þar, örlítið hér. 

Ég hef alltaf reynt að einblýna á það sem skiptir í raun og veru máli, að giftast Ingólfi og er það einmitt það sem ég er spenntust fyrir - að giftast þessari elsku og fá að eyða þessum degi með honum (jú og auðvitað bráðskemmtilegum ættingjum og vinum!). Ég ætla ekki að fara að kippa mér upp við einhver smáatriði sem muna klúðrast - þetta reddast!

Einhver partur af brúðkaupskortunum sem fóru svolítið seint af stað og Ingólfur þurfti alfarið að sjá um vegna lokaritgerðarskrifa hjá mér.

Á sunnudeginum síðasta þurftum við þó að setja í 6 gír og gjöra svo vel að fara að gera eitthvað klárt. Vikan sem er að líða var því þétt skipuð af allskonar símhringingum, e-mailum, sækja, skutla, búðarferðum o.fl.. Það er bara gaman, sérstaklega þegar maður er að skipuleggja þennan yndislega dag með jafn frábærum manni og Ingólfi!